Arion banki rak í vikunni fimm konur sem störfuðu hjá útibúi bankans á Akureyri. Starfsreynsla þeirra samanlagt var yfir 100 ár. Rúv greinir frá þessum uppsögnum. Þar kemur fram að konurnar hafi meðal annars unnið handvirkt við greiðsludreifingu. Árið 2004 stofnaði bankinn sem þá hét KB banki bakvinnsludeild með það að markmiði að efla atvinnulíf á svæðinu. Störfuðu konurnar í þeirri deild sem nú hefur verið lögð niður. Ein kvennanna hafði starfað hjá bankanum í yfir 30 ár.
Í frétt Rúv segir að uppsagnirnar megi meðal annars rekja til stafrænnar þróunar.
