Fjórar jarðir, alls 17 þúsund hektarar, eru til sölu á Vestfjörðum. Allar eru þær í eigu hins sænska timburframleiðanda John Harald Örneberg, en verðið fæst ekki gefið upp. Erlendir aðilar eru sagðir sýna jörðunum áhuga, samkvæmt Fréttablaðinu.
„Mér finnst útlendingarnir vilja vernda náttúruna og hugsa þetta sem langtímaverkefni. Það er nálgun sem ég þekki ekki alltaf frá Íslendingum,“
segir Davíð Ólafsson, fasteignasali hjá Fasteignasölunni Borg. Hann segir Íslendinga sýna lítinn áhuga á jörðunum.
Stærst jarðanna er Kirkjuból, eða um 8.800 hektarar. Allar jarðirnar eru í einu félagi og verða seldar þannig, en félagið fer með meirihluta veiðifélags í Langadalsá og Hvannadalsá.
Næst stærst er Tunga, alls 7.800 hektarar, með 25% veiðirétt í Hvannadalsá og 3,76% í Langadalsá.
Þá kemur Brekka, alls 570 hektarar, með 10,35% veiðirétt í Langadalsá.
Þá er Neðri-Bakki, alls 420 hektarar, með 11,85% veiðirétt í Langadalsá.
Örneberg rekur fyrirtækið The Forest Company sem ræktar skóga í Svíþjóð og Brasilíu. Hann keypti jarðirnar í gegnum félagið Varpsberg, af Landsbankanum, árið 2012.
RÚV greindi frá því á sínum tíma að kaupverðið hefði verið 250 milljónir
