Meðal þess sem rætt er í stjórnarmyndunarviðræðum er fjölgun ráðuneyta. Það ku vera Framsóknarflokkurinn
sem leggur áherslu á að fá efnahagsmálin á sitt borð, en fjármálaráðuneytið er talið fara til Bjarna Benediktssonar.
Þetta segir á Vísi.

Því muni fjármálaráðuneytinu hugsanlega skipt upp í tvö ráðuneyti, líkt og því var háttað fyrir 2009.
Þá segir að þessi fjölgun muni koma Sjálfstæðisflokknum vel, sem gæti þá fengið sex ráðuneytisstóla.

Samkvæmt mbl.is er umræðan um skiptingu ráðuneyta þó skammt á veg komin og kynning á málefnasamningi gæti
frestast fram í næstu viku, en búist var við að hann yrði kynntur um helgina. Ekki sé þó um bakslag að ræða,
heldur þurfi flokkarnir einfaldlega meiri tíma.
Í dag verður fundað með forsvarsmönnum SA og ASÍ, er fram kemur á mbl.is.