La France Forte er slagorð Sarkozys Frakklandsforseta í baráttunni fyrir endurkjöri.

Sterkt Frakklandi.

Sarkozy er miklum vandræðum. Traustið á honum er afar lítið. Hann var kosinn á þeim forsendum að hann ætlaði að markaðsvæða Frakkland, svo varð efnahagshrun og þá sneri hann við blaðinum og hóf að mæra styrk hins blandaða hagkerfis í Frakklandi.

Síðan þá hefur Sarkozy virst næsta stefnulaus – hann hefur ekki einu sinni getað staðið ímyndinni sem hann skapaði sér áður en hann varð forseti, að hann væri hörkutól sem gæti tekist á við glæpi, ribbalda og óaldalýð.

Það sem helst gæti tryggt Sarkozy endurkjör er hvað mótframbjóðendur hans eru veikir. Dominique Strauss-Kahn hefði sigrað hann auðveldlega ef hann hefði ekki lent í kynlífshneyksli. Francois Hollande, frambjóðandi Sósíalista, hefur þó talsvert forskot á Sarkozy í skoðanakönnunum.

En þetta er semsagt kosningaslagorð Sarkozys. Sterkt Frakkland. Takið líka eftir bláa litnum – hann gefur skilaboð um styrk og festu, þessi sami blái tónn er reyndar alþekktur í íslenskum stjórnmálum.

Smáatriði hefur verið bætt við myndina, þið takið kannski eftir því ef þið rýnið aðeins.

Kosningaauglýsing fyrir Sarkozy, með smá viðbót.

Og fyrir annan stjórnmálamann – litanotkunin og uppstillingin er ansi lík.