Edduhátíðin árlega er á laugardag – eða er það sunnudag?

Ég verð að viðurkenna að ég á stundum pínu erfitt með þessar samkomur.

Það er erfitt að ofmetnast yfir því að vera frægur á Íslandi.

Maður þarf ekki annað en að koma rétt úr fyrir landsteinana til að vera kippt niður á jörðina aftur – þess vegna er svo gott að fara til útlanda.

En ég og samstarfólk mitt erum tilnefnd til fernra verðlauna:

Fyrir Kiljuna, Silfur Egils, þátt um Gyrði Elíasson og svo er ég tilefndur sem sjónvarpsmaður ársins.

Þetta snýst ekki bara um mig, pródúsentinn minn, Ragnheiður Thorsteinsson, á alveg jafn mikið í Kiljunni og myndinni um Gyrði og ég.

Myndin um Gyrði var sýnd í Sjónvarpinu í október, hér erum við fyrir utan æskuheimili hans á Sauðárkróki, fyrir aftan okkur er hin eitursnjalla Ragga. Myndin er tekin af vefnum Druslubækur og doðrantar.