Margt áhugavert hjá Kaupþingi
Er sammála að margt í þessari glærukynningu á að birta, en því miður er staðan þannig að sumt þarna er ekki í hag okkar Íslendinga að birtist opinberlega. T.d. eru þarna birtir ca. 30-40 stærstu lántakar danska bankans FIH og staða þeirra. Til upprifjunar að þá á Seðlabankinn þann banka (eftir að hafa lánað EUR 500m til Kaupþings 5 mín fyrir hrun með veði í hlutabréfum FIH). Seðlabankinn ætlar að selja FIH á næstu 2-3 árum. Er hræddur um að sá banki geti orðið verðlaus hratt ef þessar upplýsingar leka til Danmerkur, kúnnar FIH munu flýja bankann hratt og íslenska ríkið stendur þá uppi með EUR 500m skell til viðbótar. Annars eru þarna margt áhugavert fyrir utan stóru tölurnar, t.d:
– Fjárfestingarfélag Samherja seldi stærstan hluta bréfa sinna í Kaupþingi á árinu 2008 og greiddi upp lánin á bak við þau. Það er hið besta mál fyrir Samherja, en pínu pínlegt að á sama tíma var Þorsteinn Már stjórnarformaður Glitnis og hefur greinilega haft vonda tilfinningu fyrir þróun bankanna og viljað lágmarka sitt tap, enda var Samherji í ábyrgð fyrir þeim lánum.
– EAV er félag sem 8 einstaklingar stóðu að og höfðu verið topp 20 hluthafar í Kaupþingi. Þeir leystu upp félagið sitt Villers Group í ársbyrjun 2008, fenguð hagnaðinn greiddan í persónulega reikninga í Lúx en eru enn með stór lán sem lítil veð eru fyrir.
– Margir af stærstu hluthöfum Kaupþings fengu rétt fyrir hrun lánaða marga tugi milljóna EUR, þegar útilokað var fyrir venjulega viðskiptavini að fá lán hjá bönkunum, til að fjárfesta í credit linked notes tengdum Kaupþing útgefnum af Deutsche Bank, verður áhugavert að fá að vita meira um þann “snúning”.
– Væri fróðlegt að gera greiningu á því hve stór hluti lána Kaupþings eru með veðum í hlutabréfum í Kaupþingi, amk kemur ótrúlega oft fyrir sú setning a erfitt sé að ganga að veðum þar sem þau séu hlutabréf í Kaupþing
– Annar áberandi hópur lántaka Kaupþings eru fasteignamógúlar í UK og Evrópu. Oftar en ekki lán í mjög áhættusömum geira, á þeim tímapunkti sem verð voru í hæstu hæðum. Líklegt að fasteignamógúlarnir hafi snúið sér til Kaupþings þegar þeirra hefðbundnu viðskiptabankar vildu ekki lána fyrir nýjum verkefnum.
Bíð spenntur eftir lánabókum Glitnis, LÍ og ekki síst Straums!
— — —
Gift
Las bloggið þitt áðan, þetta er eitt af verri dæmum spillingarinnar.
Menn sem áttu ekkert í peningunum notuðu þá til að halda uppi gengi S hópa fyrirtækja og það var meira að segja SÖLUBANN á hlutabréfin sem voru keypt í KB Banka, þ.e. Gift gat ekki selt bréfin nema með leyfi….KB BANKA !
Alveg eins og starfsmenn KB banka gátu ekki selt bréfin sín nema með leyfi KB banka.
Þeir sem raunverulega áttu Gift peningana voru aldrei spurðir – aurarnir voru bara teknir og þeir eru ekki lengur til í dag.
— — —
Furðuleg lánastarfsemi
Það kom auðvitað að því að fólk áttaði sig á því að hrunið er ekki út af kaupum á flatskjám. Ég hef áður haldið því fram að útrásin hafi lánað sjálfri sér á bilinu 2-3000 milljarða en ætli maður þurfi ekki að lyfta þeirri spá upp í 3-4000 milljarða. Sú tala er grunsamlega nálægt viðskiptavildinni margumræddu. Þessi lán hjá Kaupthingi munu vera nálægt húsnæðisskuldum heimilanna, en á bak við þau lán eru þrátt fyrir allt steypuklumpar og heiðarlegir lántakendur. Á bak við megnið af þessum lánum frá Kaupthing er lítið sem ekki neitt. Erlend húsnæðislán heimilanna eru af stærðargráðunni 200 milljarðar. Þessi lán hafa fengið furðulega neikvæða umfjöllun þegar horft er á umfang þeirra í samhengi við þessar tölur frá Kaupþingi.
Það á eftir að birta samskonar upplýsingar úr Glitni og Landsbanka. Er einhver sem ímyndar sér að 2xBjöggar og 1xJÁJ hafi fengið minna úr þeim bönkum en þeir fengu frá Kaupthingi?
— — —
Að sameinast gegn spillingunni
Sjáið þið Eyjumenn einhverja leið til að búa til farveg
þar sem þjóðinni gefst kostur á að fylkja sér á bak við
þau sjónarmið sem fram koma í grein Evu Joly í Mbl.
Birtingin á upplýsingunum úr Kaupþingi opinberar stórglæp,
þjófnað aldarinnar í Evrópu. Það er ótrúlegt að það skuli hafa
verið mögulegt að halda þessu leyndu svona lengi. Það sýnir
líklega að það er sama fólkið í öllum lykilstöðum. Við erum með
sama spilastokkinn sem hefur kannski aðeins verið stokkaður.
Hvað skyldi þurfa til að einhver sé tekinn fastur eða eignir frystar.
Manni sýnist þessar nýjustu upplýsingar einnig gefa tilefni til
aðskiljanlegra húsleita.
Það er ekki skrýtið að okkur sé ekki treyst fyrir fjármunum
(lánin að utan) þegar litið er til þess að svo virðist sem 500
miljörðunum frá Seðlabankanum til Kaupþings hafi blygðunarlaust
verið stolið.
Oft hefur verið þörf en nú er nauðsyn að búa til farveg þar sem
þjóðin getur sýnt enn öflugri samtakamátt gegn spillingunni en
áður hefur þekkst.
— — —
Veð
Þetta er einfaldlega rosalegt. Ég var með ómerkilegan yfirdrátt í Kb banka upp á 3 millur fyrir mitt fyrirtæki sem var gjaldfelldur vegna þess að ég vildi ekki leggja fram fasteignaveð fyrir honum. Svo eru menn að lána úr sama banka margar milljarða út á ekki neitt!!!!!!!!!!!!!!!!!!!!!!!!!!!!!!
— — —
Viðskiptavinir og viðskiptaVINIR
Samkvæmt lánareglum Kb banka frá vori 2008 þá var það ófrávíkjanleg krafa frá bankanum að bakvið lán lægi fasteignarveð. Greinileg bara fyrir suma sem voru í viðskiptum við bankann. En viðskiptaVINIR hans þurftu ekki að leggja fram þessi veð.
— — —
Umtak
Af hverju kemur ekki fram í umræðunni félagið Umtak ehf sem fékk 133 milj. EC. Þetta félag á meirihluta í N1. BNT HF er móðurfélag N1. Eignarhald er meðal annars á herðum fjölskyldu núverandi formanns Sjálfstæðisflokksins og var hann áður stjórnarformaður þessa félags. Aðrir eigendur eru m.a. Fjárfestingafélagið Máttur ehf. þar sem Gunnlaugur Sigmundsson, faðir núverandi formanns Framsóknarflokksins, er í fyrirsvari. Félagið Gift fékk 167 milj. EC. Þetta félag er núna eignarlaust. Af hvaða Framsóknarmanni keypti félagið verðlaus hlutabréf. Er ekki rétt að svona viðskipti gangi til baka. Hvaða framsóknarmaður fer þá á hausinn?
