Söngvarinn Jason Derulo hefur slegið í gegn á TikTok undanfarið. Í nýju myndbandi borðar hann maísstöngul á borvél. Eins og við mætti búast gekk það ekki neitt rosalega vel.
Myndbandið hefur vakið mikla athygli og fjalla fjölmiðlar vestanhafs um málið. Ekki nóg með að myndbandið hefur fengið tæplega 18 milljón áhorf á TikTok þá hefur fyrirsætan Chrissy Teigen deilt myndbandinu á Instagram.
Það kom svo í ljós að Jason er enn með fallegu hvítu tennurnar sínar. Daily Mail greinir frá.
Stuttu eftir að Jason deildi myndbandinu sást til hans keyra um Los Angeles. Jason brosti breitt til ljósmyndarans og sýndi tennurnar, sem eru allar enn í heilu lagi.
