Leikarinn og skemmtikrafturinn Steindi Jr. og Sigrún Sigurðardóttir, snyrti- og förðunarfræðingur, eignuðust sitt annað barn á dögunum. DV fannst því kjörið að líta í stjörnumerkin og sjá hvernig þau eiga saman.
Sambönd milli eldmerkis og loftmerkis eru venjulega mjög kraftmikil og er samband Vogarinnar og Bogmannsins engin undantekning.
Bæði merkin þrífast á því að fullnægja hvort öðru í svefnherberginu og sjá hvort annað ná árangri utan veggja heimilisins. Þau elska stöðugleikann í langtímasambandi og öryggið sem það gefur þeim. Um leið og þau skuldbinda sig hvort öðru er ekki aftur snúið.
Vogin og Bogmaðurinn eru bæði ævintýragjörn en Bogmaðurinn er hrifnari af ferðalögum á meðan Vogin er heimakærari. Aðaláskorun þeirra er að byggja upp traust. Þó svo að Bogmaðurinn sé gerður fyrir langtímasamband á hann til að breyta skyndilega um stefnu ef eitthvað er ekki að ganga upp. Þetta getur gert Vogina stressaða og óörugga. Til að róa taugar Vogarinnar þarf Bogmaðurinn að beina athyglinni að henni.
9. desember 1984
Bogmaður
– Örlátur
– Hugsjónamaður
– Húmoristi
– Óheflaður
– Óþolinmóður
– Ósamvinnuþýður
4. október 1989
Vog
– Málamiðlari
– Samstarfsfús
– Örlát
– Félagsvera
– Óákveðin
– Forðast deilur