Undanfarna mánuði hefur Ellen DeGeneres sætt harðri gagnrýni eftir að sögur um starfshætti hennar og karakter fóru á flug á Twitter. Fyrrum starfsmenn hennar fóru ófögrum orðum um hegðun hennar og steig samfélagsmiðlastjarnan Nikkie de Jager fram og opnaði sig um neikvæða upplifun sína í þættinum.
Sjá einnig: Fyrrum starfsmaður Ellen DeGeneres segir að „orðrómurinn sé sannur“
Ellen DeGeneres er sögð vera óánægð með ásakanirnar um „grimmilega“ hegðun hennar á bak við tjöldin.
Ellen hefur ekki enn tjáð sig opinberlega um málið en heimildarmaður nátengdur henni sagði UsWekkly að hún sé „á síðasta snúning“ og að henni þyki ásakanirnar „ólíðandi“.
Sjá einnig: Opnar sig frekar um hræðilega upplifun hjá Ellen DeGeneres – Mátti ekki nota klósettið
Það bætist sífellt í hóp þeirra sem eru ósáttir með Ellen. Fyrr í mánuðinum gagnrýndi lífvörðurinn Tom Majerack spjallþáttastjórnandann. Tom sá um að vernda Ellen og fjölskyldu hennar á Óskarsverðlaunahátíðinni árið 2014. Hann segir að Ellen hafi verið „frekar niðrandi.“
„Hún rétt svo leit á mig, heilsaði mér ekki einu sinni eða þakkaði mér fyrir að vernda hana og fjölskyldu hennar,“ sagði Tom.
Hann sagði að til þess að fólk mætti koma og spjalla við Ellen í eftirpartýinu þá þyrfti hún að samþykkja það áður.
