Jeffree Star er bandarísk samfélagsmiðlastjarna og snyrtivörumógull. Hann er afar vinsæll á YouTube, með yfir 17 milljón fylgjendur, og á fyrirtækið Jeffree Stars Cosmetics.
Síðastliðinn mánudag afhjúpaði Jeffree hver hefur verið að senda honum einkaskilaboð, eða frekar hvaða frægu karlmenn hafa verið að senda honum skilaboð.
Twitter-notandi birti skjáskot af leitarniðurstöðum Google um hæð Jeffree Star. Samfélagsmiðlastjarnan er 185 cm á hæð og vakti það greinileg athygli Twitter-netverjans.
„Er Jeffree Star 185 cm? Gaurinn hefur verið að leika með vitlausa bolta,“ skrifaði hann á Twitter.
Jeffree Star svaraði tístinu og sagði:
„Eins og er eru þrír leikmenn NBA-deildarinnar í innhólfinu mínu, en takk fyrir að hafa áhyggjur.“
There are currently three NBA players in my DM‘s right now, but thank you for the concern ❤️
— Jeffree Star (@JeffreeStar) March 10, 2020
Í kjölfarið fékk Jeffree Star margar fyrirspurnir um hvaða leikmenn þetta séu. Hann ákvað hins vegar að nefna enginn nöfn.
Eins og fyrr segir er Jeffree Star mjög vinsæl samfélagsmiðlastjarna en honum hefur einnig gengið mjög vel í fyrirtækjarekstri. Hann er metinn á um 200 milljón dollara samkvæmt Celebrity Net Worth.