fbpx
Sunnudagur 30.nóvember 2025

YouTube-stjarna opinberar leyndarmál sitt eftir hótanir

Ritstjórn Bleikt
Þriðjudaginn 14. janúar 2020 11:26

Nikkie sendi þeim fingurinn sem hafa hótað henni.

Ekki missa af Helstu tíðindum dagsins í pósthólfið þitt

Lesa nánar

YouTube-stjarnan Nikkie de Jager, sem heldur úti vinsælli síðu um allt sem viðkemur fegurð, hefur opinberað leyndarmál sitt eftir að hafa sætt hótunum og kúgunum frá óþekktum netverjum.

Nikkie, sem er með 12,4 milljónir áskrifenda á YouTube og 12,9 milljónir fylgjenda á Instagram, steig fram í myndbandi á YouTube þar sem hún opinberaði í fyrsta skipti að hún væri trans. Ástæðan var sú að óprúttnir einstaklingar höfðu hótað að „afhjúpa“ hana.

„Ég fæddist í röngum líkama,“ segir Nikkie sem gengur undir nafninu NikkieTutorials í netheimum. „Ég er bara ég. Við þurfum ekki að setja einhvern stimpil á mig, en ef fólk vill gera það þá er ég trans,“ segir hún í myndbandinu og bætir við að hún hafi verið sex ára þegar hún fór að láta hárið vaxa og klæða sig í föt sem stúlkur ganga alla jafna í. News.com.au fjallaði um þetta.

Í myndbandinu segir Nikkie að þegar hún var fjórtán ára, um það leyti sem hún stofnaði YouTube-rásina vinsælu, hafi hún byrjað í hormónameðferð. Þegar hún var nítján ára hafi hún svo gengist undir sjálfa kynleiðréttingaraðgerðina.

Nikkie hefur verið hrósað í hástert fyrir að opna sig og segja frá. Sjálf segist Nikkie hafa gert það tilneydd vegna hótana. „Mig hefur alltaf langað að deila þessu með ykkur en ég vildi gera það á mínum forsendum,“ segir hún og bætir við að fólk sem hefur kjark til að vera það sjálft verði oft að skotmarki hugleysingja sem láta hatur ráða för.

„Ég hef sætt kúgunum frá fólki sem vill „leka“ sögunni minni,“ segir hún og bætir við að þessir sömu einstaklingar hafi sakað hana um að ljúga að aðdáendum sínum.

Nikkie hefur átt góðu gengi að fagna á undanförnum árum og unnið með fyrirtækjum á borð við Marc Jacobs. Þá var hún á lista Forbes árið 2017 yfir unga áhrifavalda sem vakið hafa athygli.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 17 klukkutímum

14 ára drengur varð fyrir járnbrautalest á Englandi

14 ára drengur varð fyrir járnbrautalest á Englandi
Fréttir
Fyrir 18 klukkutímum

Kolla sendir pillu: „Vonandi verður aldrei svo illa komið fyrir íslensku þjóðinni að hún komi Miðflokknum til valda“

Kolla sendir pillu: „Vonandi verður aldrei svo illa komið fyrir íslensku þjóðinni að hún komi Miðflokknum til valda“
433Sport
Fyrir 20 klukkutímum

Nýr Old Trafford fremstur á meðal jafninga í umsókn Bretlands og Írlands til að halda HM

Nýr Old Trafford fremstur á meðal jafninga í umsókn Bretlands og Írlands til að halda HM
Fókus
Fyrir 20 klukkutímum

Leikarinn fagnar bráðum 100 ára afmæli og segir að lykilinn að langlífi sé að forðast þetta tvennt

Leikarinn fagnar bráðum 100 ára afmæli og segir að lykilinn að langlífi sé að forðast þetta tvennt
433Sport
Í gær

Hugsar súr út í ákvörðun Arnars eftir það sem gerðist í vikunni – „Að íslenska landsliðið hafi leyft sér það“

Hugsar súr út í ákvörðun Arnars eftir það sem gerðist í vikunni – „Að íslenska landsliðið hafi leyft sér það“
433Sport
Í gær

Lét gelda sig til að þurfa ekki að horfa á sama barnaefnið í fimmta sinn

Lét gelda sig til að þurfa ekki að horfa á sama barnaefnið í fimmta sinn

Tarot Spil

Veldu þér spil og sjáðu spádóm þinn.