fbpx
Þriðjudagur 15.október 2019  |
Bleikt

Fimm ástæður stöðugrar þreytu

Ritstjórn Bleikt
Sunnudaginn 15. september 2019 20:00

Ekki missa af Helstu tíðindum dagsins í pósthólfið þitt

Lesa nánar

Öll þekkjum við það að finna fyrir þreytu í byrjun vinnuvikunnar og stundum tekur það ótal klukkutíma að koma sér af stað, jafnvel þó að maður hafi sofið sína átta tíma. Það er fleira en lítill svefn sem getur haft áhrif á það hvort fólk er þreytt. Vefritið Medical Daily tók saman lista yfir fimm algeng atriði sem gætu verið að plaga fólk ef það finnur stöðugt fyrir þreytu

Þú þjáist af kæfisvefni

Dagsyfja, þreyta og einbeitingarskortur í vöku geta bent til kæfisvefns sem er algengur kvilli, einkum hjá fullorðnum körlum í ofþyngd. Talið er að sex af hverjum hundrað körlum fái sjúkdóminn en tvær af hverjum hundrað konum. Einkenni kæfisvefns eru öndunartruflanir í svefni og er algengast að truflanirnar komi fram sem öndunarhlé sem varir í nokkrar sekúndur í senn. Til að fá úr því skorið hvort þú þjáist af kæfisvefni er nauðsynlegt að fara í rannsókn þar sem fylgst er með öndun og súrefnismettun.

Þú þjáist af blóðleysi

Þreyta á daginn, jafnvel þótt þú sofir og hvílist ágætlega, gæti bent til blóðleysis. Á vef doktor.is kemur fram að blóðleysi feli í sér skort á rauðum blóðkornum, en þau vinna til dæmis súrefni í lungunum og skila því til frumna líkamans. Blóðleysi getur haft í för með sér að blóðið á erfiðara með að flytja súrefni um líkamann sem aftur gerir það að verkum að frumurnar sem færa okkur orkuna til daglegra athafna fá ekki nóg súrefni.

Skjaldkirtillinn starfar ekki eðlilega

Skjaldkirtillinn gefur frá sér hormónið þýroxín sem stjórnar efnaskiptum líkamans. Ef röskun verður á framleiðslu þessa mikilvæga hormóns minnkar það grunnefnaskipti líkamans. Líkami okkar er þannig úr garði gerður að hann bregst við með því að spara orku sem aftur veldur þreytu. Steinefni og snefilefni eins og magnesíum, mangan, selen og joð geta haft áhrif á framleiðslu skjaldkirtilsins á þýroxíni. Ef við fáum of lítið af þessum efnum á skjaldkirtilinn erfiðara með að framleiða þýroxín.

Þú ert með hjartabilun

Hjartað sér um að blóð flæði óhindrað um blóðrásarkerfi líkamans. Eitt af einkennum hjartabilunar er þreyta og skerðing á þreki því ef röskun verður á þessu mikilvæga starfi hjartans dælir það ekki blóðinu um líkamann á eins skilvirkan hátt og það á að gera. Hjartabilun getur komið fram í kjölfar kransæðastíflu eða hjartaáfalls. Nánar má lesa um einkenni hjartabilunar á vefnum hjartalíf.is.

Þú ert komin á breytingaskeið

Þreyta er eitt af einkennum kvenna á breytingaskeiði en það skal þó tekið fram að einkennin geta verið mjög einstaklingsbundin. Á breytingaskeiði geta orðið breytingar á grunnefnaskiptum líkamans og er vanvirkum skjaldkirtli þá um að kenna. Eins og fjallað er um hér að framan framleiðir vanvirkur skjaldkirtill of lítið af þýroxíni sem aftur leiðir til þreytu. Í umfjöllun Medical Daily kemur fram að breytingar á hormónum geti einnig spilað inn í, til dæmis breytingar á estrógeni og progesteróni í líkamanum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 3 dögum

Sjáðu hvernig kynlífsklúbbur fræga fólksins lítur út: Orgíur algengar og fólk skiptist á mökum

Sjáðu hvernig kynlífsklúbbur fræga fólksins lítur út: Orgíur algengar og fólk skiptist á mökum
Bleikt
Fyrir 3 dögum

Mikilvægt fyrir að aðstandendur vefjagigtarsjúklinga að vita – Sjáðu myndbandið

Mikilvægt fyrir að aðstandendur vefjagigtarsjúklinga að vita – Sjáðu myndbandið
Bleikt
Fyrir 1 viku

10 opinberanir úr bók Demi Moore – Móðir hennar seldi aðgang að líkama hennar: „Ég hafði engan til að vernda mig“

10 opinberanir úr bók Demi Moore – Móðir hennar seldi aðgang að líkama hennar: „Ég hafði engan til að vernda mig“
Bleikt
Fyrir 1 viku

Héldu fæðingu þriðja barnsins leyndri

Héldu fæðingu þriðja barnsins leyndri

Tarot Spil

Veldu þér spil og sjáðu spádóm þinn.