Sumar konur hafa mjög hátt þegar þær stunda kynlíf, mjög hátt! Ef þú hefur ekki upplifað hávært kynlíf af eigin raun fram að þessu þá eru samt líkur á að þú hafi heyrt til nágranna eða annarra stunda hávært kynlíf. En af hverju öskra sumar konur þegar þær fá fullnægingu?
Kynlífsfræðingurinn Bianca Schmidt reyndi að svara þessari spurningu fyrir VG. Hún sagði að samkvæmt niðurstöðum rannsóknar, sem var birt í Archives of Sexual Behavior, þá sé það ekki endilega vegna þess að karlinn, sem verið að stunda kynlíf með, viti endilega hvar réttu takkarnir séu.
Í rannsókninni sögðust flestar þeirra 71 kvenna sem tók þátt í henni að þær ættu erfitt með að halda aftur af hljóðunum við fullnæginu. En ekki þeirra eigin fullnægingu!
Þær upplýstu nefnilega að þær fengju oft hljóðlausa fullnægingu fyrst en enduðu oft með að stynja hátt eða öskra þegar komið var að bólfélaganum að fá fullnægingu. Bianca Schmidt segir að konurnar gefi þessi hljóð frá sér til að styðja bólfélagann, séu næstum eins og stuðningsmenn. Þær vilji styrkja sjálfsálit hans.
Hún sagði einnig að margar konur geri þetta til að fá bólfélagann til að fá fullnægingu fyrr, oft vegna þess að þeim leiðist, eru þreyttar eða finna til óþæginda. Bianca telur að karlar geti vel sett sig í þessi spor því þeir horfi margir hverjir á fótbolta og hvetji sitt lið áfram og oft öskri þeir hvatningaroðin, jafnvel þótt að þeir séu bara að horfa á leik í sjónvarpinu.
Hún sagðist telja að konur hafi „lært“ kynlífshljóðin af klámi en þar snýst allt um frammistöðu og að láta nautnina í ljós með stunum og öskrum.