Hjónin segja í þættinum að fjölkærni sé alls ekki viðurkennd hér á landi og því koma þau ekki fram undir nafni í þættinum. Ásdís spyr konuna hvort einnar nætur gaman sé líka stundað í svona fjölkærnissamböndum eða hvort hún verði að kynnast fólkinu almennilega áður en ákvörðun sé tekin um að vera líka með þeim. Konan segir þá að það sé mismunandi hvernig fjölkærnissamböndum sé háttað en hún segist verða að fá að vera frjáls í þessu.
„Sumir vilja fá nánari tengingu, kynnast manneskjunni, deita og taka það þá leiðina. Aðrir vilja kannski bara geta farið í bæinn og fara í skemmtistaðasleiki með einhverjum, fara heim og svo ekkert meir,“ segir hún og útskýrir síðan hvað hentar henni. „Mér hentar best að vera algjörlega frjáls. Ég þarf að geta daðrað og kysst einhvern og ef mig langar að fara heim með einhverjum, þó það sé bara einu sinni, þá er það allt í lagi líka,“