Íþróttafréttakonan Edda Sif Pálsdóttir og framleiðandinn Vilhjálmur Siggeirsson opinberuðu í vikunni að þau ættu von á sínu fyrsta barni saman, en Edda og Vilhjálmur hafa verið saman um nokkurt skeið. DV ákvað því að lesa í stjörnumerki parsins á þessum tímamótum og athuga hvernig það á saman.
Vilhjálmur er naut og Edda Sif er krabbi – bæði afar viljasterkir og þrjóskir einstaklingar. Þegar að þessi tvö merki koma saman á rómantískan hátt er yfirleitt um mjög farsælt samband að ræða. Þessi tvö merki eru afar lík að mörgu leyti og ná að skilja hvort annað á djúpan hátt. Bæði nautið og krabbinn vilja öryggi í ástarsamböndum ofar öllu og elska bæði að hugsa vel um maka sinn. Þau eru heimakær og elska fátt meira en að verja tíma sínum á heimilinu í faðmi fjölskyldunnar.
Ást þessara tveggja merkja er sterk og traust. Aðrir jafnvel líta upp til einstaklinga í þessum merkjum því þeir meta fjölskyldu sína svo mikils og ná að mynda djúpa tengingu við fjölskyldumeðlimi og vinna ötullega að því að hlúa að þeirri tengingu.
Einu vandamálin sem gætu komið upp í sambandinu eru ef nautið æðir áfram gegn vilja krabbans. Þá grípur krabbinn í að fara í fýlu og loka sig af tilfinningalega. Því þurfa báðir að tileinka sér hreinskilni í samskiptum. Nautið getur hjálpað krabbanum að tjá sig og koma böndum á tilfinningarússíbanann innra með sér.
Vilhjálmur
Fæddur: 4. maí 1991
Naut
-þolinmóður
-áreiðanlegur
-hagsýnn
-ábyrgur
-þrjóskur
-ekki góður í málamiðlunum
Edda Sif
Fædd: 20. júlí 1988
Krabbi
-hugmyndarík
-þrautseig
-traust
-tilfinningarík
-svartsýn
-óörugg