Söngkonan Taylor Swift mætti í spjallþátt Jimmy Fallon í vikunni. Meðal þess sem Jimmy spurði söngkonuna að var hvort hún hefði nýlega farið í laseraðgerð á augum. Virtist spurningin koma flatt upp á söngkonuna, sem hafði ekki opinberað það á sínum miðlum.
Eftir því sem Jimmy spurði meira og meira um aðgerðina varð Taylor æ meira undrandi þar til hún spurði hreint út hvað væri í gangi. Þá sagði Jimmy henni að mamma söngkonunnar hefði tekið upp myndband af henni rétt eftir aðgerðina, þar sem hún var í mikilli verkjalyfjavímu.
Jimmy sýndi myndbandið í þættinum, en í því má meðal annars sjá þegar Taylor er gráti næst út af banana. Sjón er sögu ríkari.