Sundfatatískan þetta árið hefur verið afar skrautleg og áhugaverð. Við skoðuðum sundfatatísku íslensku áhrifavaldanna í sumar og nýja sundfatatísku sem vakti athygli á tískupöllunum. Einnig fjölluðum við um bikiníbuxur frá tískuhúsinu Karen Hurley sem vöktu mikla athygli. En sumarið er greinilega ekki búið og sundfatatískan heldur áfram að þróast.
Nú er nýtt bikní að valda usla, svo kallað „nektar-bikiní.“ The Sun greinir frá.
Bikiníið, eða sundbolurinn, eða hvað sem þetta er, hefur vakið mikla athygli fyrir að skilja lítið sem ekkert fyrir ímyndunaraflið.
Ástralska fyrirsætan Tammy Hembrow er í samstarfi með fyrirtækinu Minimale Animale og hannaði þessi sundföt með þeim. Instagram-stjarnan deildi myndum af sér í sundfötunum. Hún er með yfir 10 milljón fylgjendur á miðlinum.
Það má reikna með að þessi sundföt séu ekki beint gerð fyrir sund, heldur kannski frekar myndatökur nálægt sundlaugum.
Sjáðu myndirnar hér að neðan.
https://www.instagram.com/p/B4LQvekHo3J/
Yfir 440 þúsund manns hafa líkað við færsluna og yfir fimm þúsund manns hafa skrifað við hana. Fjölmargir spyrja hvar þessi sundföt eiginlega eru, þar sem þau virðast varla vera til staðar.
https://www.instagram.com/p/B4NiAqBHgOr/
Hvað segja lesendur um þessa sundfatatísku?