Héraðsdómur Suðurlands hefur úrskurðað þrjá menn til að sæta gæsluvarðahaldi á grundvelli rannsóknarhagsmuna til miðvikudagsins 19. mars næstkomandi.

Þetta kemur fram í tilkynningu Lögreglunnar á Suðurlandi.

„Aðilarnir eru allir grunaðir um aðild að frelsissviptingu, fjárkúgun og manndrápi sem lögreglan á Suðurlandi hefur haft til rannsóknar frá því seint sl. Mánudagskvöld,“ segir í tilkynningunni.

8 hafa verið handteknir í tengslum við málið og 5 látnir lausir. Að sögn lögreglu miðar rannsókninni vel en er umfangsmikil. Hefur embættið notið aðstoðar lögreglu höfuðborgarsvæðisins, Suðurnesja, ríkislögreglustjóra og embættis héraðssaksóknara.

„Rannsóknin heldur áfram af fullum þunga og ekki er unnt að veita frekari upplýsingar að svo stöddu,“ segir í tilkynningunni.