Liverppol vann sterkan útisigur á Paris Saint-Germain í fyrri leik liðanna í 16-liða úrslitum Meistaradeildar Evrópu.
PSG var mun betri aðilinn í leiknum, sérstaklega í fyrri hálfleik. Þeim tókst þó ekki að skora, þó eitt mark þeirra hafi verið dæmt af vegna rangstöðu með hjálp VAR.
Það stefndi í markalaust jafntefli þar til Harvey Elliot kom boltanum í netið eftir skyndisókn Liverpool seint í leiknum. Reyndist það eina mark leiksins og lokatölur 0-1. Liverpool í ansi góðri stöðu fyrir seinni leikinn á Anfield á þriðjudag.
Barcelona heimsótti Benfica og lét það ekki á sig fá að hafa misst Pau Cubarsi út af með rautt spjald eftir rúman tuttugu mínútna leik. Raphinha skoraði eina mark leiksins efir rúman klukkutíma leik og leiða Börsungar fyrir seinni leikinn á heimavelli.
Loks vann Bayern Munchen þægilegan 3-0 sigur á löndum sínum í Bayer Leverkusen á heimavelli. Harry Kane skoraði tvö marka Bayern, annað úr víti. Jamal Musiala gerði eitt mark, en Bæjarar spiluðu manni fleiri í um hálftíma eftir rauða spjald Nordi Mukiele.
