Luis Rubiales fyrrum formaður spænska knattspyrnusambandsins hefur verið dæmdur fyrir kynferðislega áreitni og þarf að borga sekt.

Rubiales sleppur hins vegar við fangelsi en málið tengist atviki sem gerðist eftir HM 2023 þar sem Spánn varð heimsmeistari kvenna.

Hinn umdeildi Rubiales var mikið í heimspressunni eftir málið eftir að hafa kysst Jenni Hermoso, leikmann spænska landsliðsins, eftir að liðið tryggði sér sigur í mótinu.

Hegðun formannsins kom Hermoso í opna skjöldu og lagði hún fram kæru í málinu. Fyrir dómi sagði Rubiales að hann hefði ekki gert neitt rangt, þarna hafi vinir verið að fagna sigri.

„Ég heyrði ekkert, næsta sem ég vissi var að hann greip um eyrun mín og kyssti mig á munninn,“ sagi Hermoso um málið fyrir dómi.

„Þetta var verulega óviðeigandi og ég var í áfalli eftir þetta. Þetta á aldrei að gerast á neinum stað, þetta var yfirmaður minn að kyssa mig.“

„Það kyssir mig engin á munninn nema ég ákveði það.“