Sean Dyche hefur tjáð sig um hinn umdeilda Neal Maupay sem er enn samningsbundinn Everton á Englandi.

Dyche er stjóri Everton sem Maupay er samningsbundinn en sá síðarnefndi var sendur á lán til Marseille fyrir tímabilið.

Maupay gerði marga reiða á dögunum en hann hatar lífið í Liverpool og var alls ekki hrifinn af því að spila fyrir enska félagið.

,,Þegar ég er að eiga slæman dag þá kíki ég bara á stöðuna í leikjum Everton og brosi,“ skrifaði Maupay á Twitter á dögunum er liðið tapaði 2-0 gegn Nottingham Forest.

Þau ummæli eru afskaplega umdeild og sérstaklega í ljósi þess að um er að ræða leikmann félagsins.

,,Það er hægt að segja það að það eru aðrir hlutir sem ég horfi á þegar kemur að knattspyrnufélaginu Everton,“ sagði Dyche.

,,Ég held að ég þurfi ekki að hafa áhyggjur af hans ummælum og við höfum líklega ekki áhyggjur af einhverri refsingu.“