Freyr Alexandersson tjáði sig á Instagram í dag í kjölfar brottrekstur síns frá Kortrijk í Belgíu í gær.
Freyr tók við fyrir um ári síðan og bjargað Kortrijk á magnaðan hátt frá falli úr belgísku úrvalsdeildinni á síðustu leiktíð.
Gengið undanfarið hefur ekki verið gott og liðið í þriðja neðsta sæti eftir 18 leiki. Einhverjir stuðningsmenn kölluðu eftir höfði Freys sem nú er farinn.
Meira
Margir tjá sig um brottrekstur Freys – „Verst að það er ekki hægt að reka þessa glötuðu leikmenn“
„Langar að þakka ykkur fyrir öll skilaboðin og ástina. Ég kann virkilega að meta þetta,“ skrifaði Freyr í dag.
„Ekki hafa áhyggjur af mér, ég vissi hvað ég var að koma mér út í. Þetta ferðalag hefur verið frábært, með öllu sem því fylgir.“
Freyr, eins og Arnar Gunnlaugsson, hefur verið orðaður við landsliðsþjálfarastarfið hér heima og spurning hvort þessi tíðindi hafi einhverja þýðingu hvað það varðar.
