Knattspyrnugoðsögnin Eiður Smári Guðjohnsen segir nánast klárt að Liverpool standi uppi sem sigurvegari ensku úrvalsdeildarinnar í vor.

Þetta sagði Eiður í Vellinum á Símanum Sport eftir sannfærandi 2-0 sigur Liverpool á Manchester City í gær. Forysta liðsins á City er nú 11 stig og 9 stig á Arsenal sem er í öðru sætinu.

Eiður sagði leik gærdagsins hafa komið sér á óvart.

„Hann gerði það af því að við erum að horfa á leik núna og hugsuðum að Manchester City er búið að vera í þessu ferli núna, tapa fimm, sex leikj­um í röð sem hef­ur aldrei gerst und­ir stjórn Guar­di­ola,“ sagði hann.

„City mætti á An­field elt­andi Li­verpool og þurfti að vinna leik­inn en í dag fannst mér við fá staðfest­ingu á því að Li­verpool er bara að fara að vinna deild­ina,“ bætti Eiður við.