Paula, sem er 27 ára Spánverji, er sem stendur í 12. sæti heimslistans eftir að hafa komist hæst í 2. sætið fyrir þremur árum en Grikkinn Stefanos, sem er árinu yngri, er í 11. sæti heimslistans. Hæst komst hann í 3. sæti listans.
Parið byrjaði saman fyrir um einu og hálfu ári en þau hættu saman um stutta stund í maí síðastliðnum.
Á Instagram-síðu Paulu má sjá myndir úr Íslandsferð þeirra en í frétt Tennis Tonic kemur fram að parið hafi meðal annars dvalið á Deplar Farm í Fljótum í Skagafirði. Laugardagskvöldinu virðast þau hafa varið í að horfa á bíómynd undir teppi.
Deplar Farm er margrómað fyrir fyrsta flokks þjónustu og matarupplifun en það er ekki fyrir hvern sem er að gista á hótelinu þar sem ódýrasta nóttin kostar rúmar 550 þúsund krónur.
Hvorki Paula né Stefanos ættu þó að vera á flæðiskeri stödd fjárhagslega enda hafa þau þénað vel í tennisíþróttinni. Stefanos hefur fengið rúmar 30 milljónir dollara á ferli sínum í verðlaunafé en Paula tæpar átta milljónir dollara.
View this post on Instagram
