Owen Hargreaves fyrrum miðjumaður Manchester United sat fyrir aftan Ruben Amorim þegar hann stýrði Manchester United í fyrsta sinn.

Amorim og félagar gerðu 1-1 jafntefli við Ipswich í fyrsta leik hans, ekki nein draumabyrjun fyrir hann í starfi.

Hargreaves segist hafa tekið eftir ýmsu þegar hann fylgdist náið með Amorim.

„Hann var fyrir framan mig og hann var mjög pirraður, ég get ekki sagt neitt annað,“ segir Hargreaves.

„Hann var mjög ósáttur með það hvar Dalot var að staðsetja sig í fyrri hálfleik, hvar Zirkzee var svo í seinni hálfleik pirraði hann líka.“

„Það voru margir leikmenn þarna í gær sem munu ekki vera að spila neitt eftir fjórar til fimm vikur.“