Rene Meulensteen, fyrrum þjálfari hjá Manchester United, telur að það séu engar líkur á að Cristiano Ronaldo snúi aftur til Evrópu áður en ferlinum lýkur.
Ronaldo er 39 ára gamall í dag en hann er á mála hjá Al-Nassr í Sádi Arabíu og er þeirra mikilvægasti maður í sókninni.
Um er að ræða ákveðið líkamlegt undur sem gæti mögulega spjarað sig í Evrópu í dag en Meulensteen telur að þeim kafla Ronaldo sé lokið.
,,Sádi seldi honum þá hugmynd að koma til landsins og vekja frekari athygli á deildinni þar í landi, hann er sendiherra fyrir þessa deild og aðrir leikmenn hafa tekið sama skref,“ sagði Meulensteen.
,,Hann hefur stækkað sitt vörumerki á heimsvísu og er enn að spila fyrir portúgalska landsliðið – hann mun vilja spila á HM 2026.“
,,Ef hann fer aftur til Evrópu þá er ekki víst að hann fái að byrja alla leiki og það er ekki það sem hann vill. Hann vill byrja leikina og halda áfram að skora til að ná þúsund mörkum. Það er hans markmið í dag.“
