Tyrrel Malacia bakvörður Manchester United hefur ekki spilað fótbolta í átján mánuði vegna meiðsla í hné, hann hefur gengið í gegnum erfiða tíma.

Malacia er vinstri bakvörður en hann var ekkert með á síðasta tímabili vegna meiðsla.

Rætnar kjaftasögur hafa verið á flugi um Malacia sem hefur ekkert tjáð sig á meðan hann var frá.

„Það var ekkert að þessu satt,“ en Malacia var sagður hafa verið handtekinn vegna tengsla við eiturlyfjahring.

„Ég var bara í meðhöndlun, ég var í Hollandi með fjölskyldu minni og æfði og svaf. Það var það eina sem ég gerði.“

Malacia er byrjaður að æfa aftur. „ÉG hugsaði alveg að ég væri að verða þreyttur á þessu, en ég gat ekki gefist upp. Það er ekki í mínu hugarfari,“ sagði Malacia.