Steven Gerrard mun halda starfi sínu sem aðalliðsþjálfari Al-Ettifaq í Sádi Arabíu þrátt fyrir breytingar hjá félaginu.
Tveir aðilar hafa verið reknir úr starfi hjá Al-Ettifaq en um er að ræða þá Mark Allen og Dean Holden.
Holden starfaði sem aðstoðarmaður Gerrard hjá félaginu og þá var Allen yfirmaður knattspyrnumála.
Gerrard hefur verið orðaður við sparkið hjá Al-Ettifaq en gengi liðsins undir hans stjórn hefur í raun ekki verið ásættanlegt.
Al-Ettifaq hefur tapað fjórum af síðustu fimm leikjum sínum en stjórn félagsins virðist enn hafa fulla trú á fyrrum enska landsliðsmanninum.
Gerrard var frábær leikmaður á sínum tíma og hefur stýrt bæði Rangers og Aston Villa á þjálfaraferlinum.
