Lauren, 50 ára, segir að persónuleiki hennar „gjörbreytist“ eftir að hún sofnar.
Hún hefur verið greind með sjaldgæfa svefnröskun sem kallast sexsomnia sem lætur hana eiga frumkvæði að kynlífi á meðan hún er sofandi. Eiginmaður hennar, Charlie, 52 ára, sagði að þegar Lauren sefur reynir hún að nudda sér upp við hann og fá hann til að stunda kynlíf með því að strjúka honum.
Lauren segir að hún þarf að nota sérstakan lás þegar hún gistir annars staðar en heima hjá sér. „Ég efast um að ég yrði mjög vinsæl ef ég myndi gista heima hjá vinkonu minni og enda uppi í rúmi með eiginmanni hennar. En ég er mjög heimakær þannig þetta er sjaldan vesen,“ segir hún.
„Við hjónin búum bara tvö saman, og hann kvartar ekki. Dætur mínar eru 25 og 30 ára og eru báðar fluttar út.“
Lauren segir þetta geta verið mjög vandræðalegt. „Ég man aldrei það sem gerist þannig ég er oft mjög ringluð. Ég skammast mín einnig fyrir stjórnleysið, en sem betur fer gerist þetta ekki oft,“ segir hún.
„Charlie, auðvitað, stekkur á hvert tækifæri […] Við höfum rætt opinskátt um röskunina og ég hef ákveðið að ég sé til í kynlíf þegar þetta gerist, ég veiti fullt samþykki.“
