Heimir Hallgrímsson þjálfari Írlands hefur orðið fyrir áfalli en þrír sterkir leikmenn hafa dregið sig út úr hópnum vegna meiðsla.
Heimir er á leið inn í leiki gegn Finnlandi og Englandi. Fyrri leikurinn á fimmtudag er ansi mikilvægur fyrir Heimi.
Heimir hefur unnið einn af fyrstu fjórum leikjum sínum, Írar eru kröfuharðir og vilja meira.
Seamus Coleman, Shane Duffy og Adam Idah eru allir búnir að draga sig út úr hópnum sem kemur saman í dag vegna meiðsla.
Ryan Manning, Jake O’Brien og Matt Doherty eru kallaðir inn í hópinn vegna þess.
