Edu verður ekki atvinnulaus lengi en hann er að hætta sem yfirmaður knattspyrnumála hjá Arsenal, nokkuð óvænt.
Edu hefur verið í stóru hlutverki hjá Arsenal síðustu ár.
Nú segja ensk blöð að Edu muni taka til starfa hjá Nottingham Forest en hann mun einnig starfa fyrir önnur félög.
Evangelos Marinakis vill ráða Edu til starfa en hann á einnig Olympiakos og Rio Ave og myndi Edu starfa þvert yfir öll félög.
Nottingham Forest er í þriðja sæti ensku úrvalsdeildarinnar en byrjun liðsins hefur komið öllum á óvart. Arsenal situr í fjórða sæti deildarinnar, fyrir neðan Nottingham.
