Viktor Gyokeres, leikmaður Sporting í Portúgal, var í gær spurður út í það hvort hann myndi fylgja Ruben Amorim til Manchester United.
Amorim hefur samþykkt að taka við United eftir dvöl sem stjóri Sporting en hann hefur störf þann 11. nóvember.
Gyokeres hefur raðað inn mörkum með Sporting undir stjórn Amorim og er orðaður við enska félagið.
,,Að fara með Amorim til Manchester United? Ég veit það ekki,“ sagði Gyokeres um framtíðina.
,,Ég er hérna í dag, eins og þið getið séð. Ég nýt lífsins hjá Sporting og þetta er ekki eitthvað sem ég hugsa um.“
,,Ég er leiður yfir því að hann sé að fara og óska honum alls hins besta.“
