Bild í Þýskalandi segir að Liverpool sé að skoða það alvarlega að kaupa vængmanninn Jamie Bynoe Gittens frá Dortmund.
Bynoe-Gittens hefur vakið gríðarlega athygli hjá Dortmund en hann er enskur og var á sínum tíma hjá Manchester City.
Liverpool er að horfa í kringum sig í leit að arftaka Mohamed Salah sem gæti mögulega farið á næsta ári.
Salah er orðinn 32 ára gamall og nálgast samningslok en hann er orðaður við Sádi Arabíu.
Bild segir að Liverpool þurfi að borga 100 milljónir punda fyrir Bynoe-Gittens til að fá hann í sínar raðir sem er engin smá upphæð.
Bynoe-Gittens er 20 ára gamall og hefur spilað 68 leiki fyrir Dortmund ásamt því að skora níu mörk.
