Sandy Brockman kallar sig „lúxuseinkaþjálfara“ og búsett í Texas. Hún fer yfir æfingarrútínu Trump og segir hana lyfta fjóra daga vikunnar og bætir stundum einni jógaæfingu við.
„Ivanka er frábær því hún er bara að vera hún sjálf og er að læra styrktaræfingar, sem er svo töff,“ sagði Brockman við DailyMail.
Hún sagði Trump venjulega halda sig við sömu fimm æfingarnar en þyngdin er mismikil, fer eftir markmiði æfingarinnar að hverju sinni.
„Hreyfingarnar eru alltaf eins. Réttstöðulyftur, hnébeygjur, mjaðmabeygjur (einnig þekkt sem good mornings), axlapressur og upphífingar.“
Brockman tók það fram að það fer eftir hverjum og einum hversu þungar og erfiðar æfingarnar eru, en hún sagði að fólk ætti að stefna að geta lyft eigin líkamsþyngd.
„Lágmarkið sem ég hvet viðskiptavini mína til að geta: Fimm armbeygjur, tvær upphífingar, ein hnébeygja með stöng með þeirra líkamsþyngd, ein réttstöðulyfta með þeirra líkamsþyngd og ein 20 kílóa axlapressa.“
Brockman sagði að oft eigi konur til að sækjast frekar í brennsluæfingar en hún hvetur þær til að prófa einnig lyftingar. Hún segir mataræðið einnig skipta máli. „Ég vil ekki að konur séu að svelta sig. Ég vil að þær séu stanslaust að fá prótein í líkamann,“ sagði hún.
