Gabriel Jesus er óvænt orðaður við brottför frá Arsenal í dag en hann hefur leikið með liðinu undanfarin tvö ár.
Jesus er ekki byrjunarliðsmaður hjá Arsenal í dag en hann kom til félagsins frá meisturum Manchester City.
Samkvæmt Bola VIP í Brasilíu er Jesus efstur á óskalista Palmeiras sem spilar í heimalandi leikmannsins.
Jesus er 27 ára gamall en hann hefur skorað 15 mörk í 56 deildarleikjum undanfarin tvö ár fyrir Arsenal.
Hann þekkir svo sannarlega til Palmeiras en hann var á mála hjá félaginu frá 2013 til 2017 áður en City keypti hann til Englands.
Jesus gæti vel verið opinn fyrir því að færa sig um set fyrir fleiri mínútur en hvort uppeldisfélagið sé heillandi í dag verður að koma í ljós.
