Gunnar Birgisson og Tómas Steindórsson voru gestir þeirra Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.
Það var til að mynda rætt um enska boltann í þættinum og sér í lagi stórleik Manchester City og Arsenal um síðustu helgi, sem fór 2-2. Þar fékk Leandro Trossard umdeilt rautt spjald sem varð til þess að Skytturnar spiluðu allan seinni hálfleikinn manni færri.
Eftir leik var þá mikill hiti. Erling Haaland hafði kastað boltanum í Gabriel í liði Arsenal og eftir leik lét hann 17 ára gamlan leikmann Lundúnaliðsins heyra það.
„Haaland féll aðeins í áliti hjá mér,“ sagði Arsenal-maðurinn Gunnar í þættinum.
Tómas skildi hvorki upp né niður í þessu.
„Af hverju féll hann í áliti hjá ykkur? Þetta var geggjaður banter,“ sagði hann og hélt áfram.
„Svona gaurar sem eru að horfa á og tjá sig um fótbolta fara svo oft í taugarnar á mér því þeir eru alltaf pínulitlir. Ég er alveg með Haaland þarna.“
Hrafnkell kom Haaland einnig til varnar.
„Það er mikill hiti þarna, þeir eru búnir að reyna að sækja markið lengi og ná því á endanum. Þá springur hann bara. Ef þú hittir Haaland úti á götu í Manchester þá held ég að þetta sé bara toppnáungi.“
Umræðan í heild er í spilaranum.
Íþróttavikan er í boði Bola léttöl og Lengjunnar
