Graham Potter er sagður vilja komast aftur í vinnu og hefur hann mikinn áhuga á starfinu hjá Everton samkvæmt enskum blöðum í dag.

Búist er við að Sean Dyche missi starfið innan tíðar en Everton á eftir að vinna leik á þessu tímabili.

Everton gæti verið að fá nýja eigendur en Friedkin Group er að reyna að eignast félagið. Um er að ræða fjárfesta frá Bandaríkjunum.

Potter var rekinn frá Chelsea á síðasta ári og hefur verið án vinnu í meira en eitt tímabil.

Potter var hér á landi í síðustu viku með fyrirlestur fyrir þjálfara en vill nú sjálfur fara að komast í gallann.