Arne Slot, stjóri Liverpool, viðurkennir að hann hafi verið hissa er hann sá Darwin Nunez skjóta af löngu færi í gær í leik gegn Bournemouth.

Liverpool vann flottan heimasigur en Nunez fékk sjaldgæft tækifæri í byrjunarliðinu og skoraði mjög fallegt mark með góðu skoti.

Slot var ekki ánægður með ákvörðun Nunez til að byrja með en sá úrúgvæski ‘sokkaði’ stjóra sinn með markinu – hans fyrsta á tímabilinu.

Nunez er ekki fyrsti maður á blað hjá Slot en hann tók við af Jurgen Klopp eftir síðasta tímabil.

,,Það fyrsta sem ég hugsaði var: ‘Af hverju er hann að skjóta? Af hverju heldurðu ekki áfram?’ sagði Slot.

,,Hann var laus með boltann og ég held að varnarmaðurinn hafi verið liggjandi í jörðinni. Nokkrum sekúndum seinna þá sá ég boltann fara í stöngina og inn og hugsaði með mér: ‘Allt í lagi, kannski ert þú betri fótboltamaður en ég var!’ Þetta var góð ákvörðun hjá honum.“