Erik ten Hag stjóri Manchester United segir góða frammistöðu því miður ekki skila stigum, þetta sagði hann eftir markalaust jafntefli gegn Crystal Palace í kvöld.
United var talsvert sterkari aðili leiksins og fékk liðið ansi mörg góð tækifæri til þess að skora.
„Frammistaðan var góð en frammistaða kemur ekki með stigin. Þú verður að skora mörk, ég er svekktur því við höfðum svo mikla yfirburði,“ sagði Ten Hag eftir leik.
„Við spiluðum á köflum mjög góðan fótbolta og pressuðum vel. Við stýrðum leiknum en náðum ekki að skora.“
„Þetta eru tvö skot í tréverkið sem dæmi, Garnacho gerir vel í sínu fær og svo er það frákastið hjá Bruno sem var líka vel gert. Þetta er óheppni.“
„Frammistaða liðsins var góð.“
