Forráðamenn AC Milan eru farnir að skoða það alvarlega að reka Paulo Fonseca úr starfi eftir stutt samstarf.
Fonseca var ráðinn þjálfari AC Milan í sumar en hefur ekki farið vel af stað.
Segir í fréttum í dag Zlatan Ibrahimovic ráðgjafi hjá Milan sé byrjaður að leita að nýjum þjálfara.
Sky í Þýskalandi segir að Zlatan sé byrjaður að ræða við Edin Terzic fyrrum þjálfara Borussia Dortmund.
AC Milan hefur farið illa af stað í deildinni og 3-1 tap gegn Liverpool í Meistaradeildinni gæti kostað Fonseca starfið.
