Virgil van Dijk varnarmaður Liverpool segir að tap liðsins gegn Nottingham Forest síðustu helgi verði að vera lærdómur fyrir sig og aðra leikmenn liðsins.
Liverpool tapaði afar óvænt á heimavelli gegn Forest um liðna helgi en svaraði því vel á útivelli gegn AC Milan í Meistaradeildinni í gær.
„Í fótboltanum þarftu að standa þig í dag, á morgun og ef þú gerir það ekki þá byggist upp pressa en við verðum að halda ró okkar,“ segir Van Dijk.
Van Dijk sem er fyrirliði Liverpool segist bera ábyrgð á því að hlutirnir séu í lagi ásamt Arne Slot, stjóra liðsins.
„Ég ber mikla ábyrgð, stjórinn ber ábyrgð og við sem leikmenn verðum að gera þetta á vellinum. Við verðum að halda ró okkur, að tapa heima gegn Forest og á heimavelli á að vekja menn.“
„Það á ekki að gerast, ef þú vilt stóra hluti eins og ég vil með þessu félagi. Svarið gegn Milan var gott og núna er það endurheimt og vera klárir á laugardag,“ segir Van Dijk en liðið tekur á móti Bournemouth um næstu helgi á heimavelli.
