Veðbankar á Englandi eru harðir á því að Erik ten Hag stjóri Manchester United verði rekinn fyrstur úr starfi í ensku úrvalsdeildinni.
Ten Hag var í brekku fyrir tímabilið og eftir tvö töp í röð er öll pressan á þeim hollenska.
Ten hag er á sínu þriðja tímabili með United en gengi liðsins í deildinni hefur verið mikil vonbrigði.
Verði Ten Hag rekinn eru veðbankar harðir á því að eftirmaður hans sé nú þegar í starfi hjá United. Telja þeir að Ruud van Nistelrooy taki við.
Nistelrooy var ráðinn aðstoðarþjálfari Ten Hag í sumar en hann er goðsögn hjá félaginu eftir tíma sinn þar sem leikmaður.
