Ísland vann góðan sigur á Svartfjallalandi í Þjóðadeildinni í kvöld en leikið var á Laugardalsvelli.
Ísland vann 2-0 heimasigur en Orri Steinn Óskarsson og Jón Dagur Þorsteinsson komust á blað fyrir okkar menn.
Logi Tómasson fékk kallið í kvöld og byrjaði leikinn í bakverði og hafði þetta að segja eftir sigurinn.
,,Ég frétti það tveimur eða þremur dögum fyrir leik. Maður var smá stressaður, ég hringdi meira í pabba, þetta var aðeins öðruvísi en að spila í norsku deildinni,“ sagði Logi.
,,Ég er sáttur með mest allt í leiknum. Ég hef ekki spilað fjögurra manna vörn í meira en ár núna svo það voru nokkrar færslur sem ég hefði getað gert betur í en ég er sáttur með flest.“
,,Ég var tilbúinn ef ég fengi kallið. Við vorum þéttir og liðið vann vel sem ein heild.“
Nánar er rætt við Loga hér.
