Orri Steinn Óskarsson spilaði sinn fyrsta leik fyrir Real Sociedad í kvöld sem mætti Getafe á Spáni.
Um var að ræða leik í efstu deild Spánar en Orri gekk í raðir Sociedad frá FCK í Danmörku á föstudag.
Landsliðsmaðurinn kom inná á 66. mínútu en tókst ekki að skora í markalausu jafntefli.
Það er búist við miklu af Orra sem er í dag dýrasti leikmaður sem FCK hefur selt í sögunni – hann kostaði yfir 20 milljónir evra.
Sociedad er í 12. sæti deildarinnar eftir fjóra leiki og er með fjögur stig.
