Hinn gríðarlega vinsæla hljómsveit Oasis hefur tilkynnt um endurkomu sína og er búist við að mikil eftirspurn verði eftir miðum á tónleikana.

Liam og Noel Gallagher eru bræður en samband þeirra hefur verið stormasamt og þeir oft ekki viljað eiga í samskiptum. Þeir hafa náð sáttum.

Liam segir frá ótrúlegu atviki þegar Oasis var upp á sitt besta og var að koma fram í Argentínu.

„Við vorum að klára tónleika í Argentínu og skelltum okkur svo á barinn og fengum okkur drykk. Allt í einu kom 30 manna hópur inn sem var með mikil læti,“ segir Liam.

„Við fórum að velta því fyrir okkur hver í fjandanum þetta gæti verið. Við komumst að því að þetta var Maradona.“

Maradona lét lífið fyrir fjórum árum en var á sínum tíma besti knattspyrnumaður í heimi.

„Með Maradona voru fullt af rugluðum mönnum og haugur af konum. Við báðum um leyfi til að fara og hitta hann. Við fórum upp þar sem hann var og þar var hann í miðjunni að leika listir sínar með tappa af flösku.“

Liam segir að Maradona hafi líklega verið nokkuð lyfjaður þarna. „Augun hans voru svo stór, við ákváðum að fá mynd með honum og fara.“

„Hann er þarna og blótar mikið og við biðjum túlk að hjálpa okkur. Þá var Maradona að segja okkur það að ef við myndum taka einhverja stelpu með okkur heim þá myndi hann láta drepa okkur.“