Graeme Souness, goðsögn Liverpool, er sannfærður um að framtíð enska landsliðsmannsins Raheem Sterling sé í Sádi Arabíu.

Sterling er fyrrum leikmaður Liverpool en er í dag á mála hjá Chelsea en félagið virðist vilja losna við hann.

Talið er að lið í Sádi Arabíu sé að eltast við leikmanninn og er tilbúið að borga honum himinháa upphæð í laun.

Óvíst er hvort Sterling vilji yfirgefa England á þessum tímapunkti en hann gerir sér vonir um að spila á HM með Englandi 2026.

,,Framtíð Raheem Sterling er í Sádi Arabíu. Það eru tvær ástæður fyrir því að hann fer þangað, ein ástæðan eru peningarnir og ég held að ekkert lið hérlendis muni borga sömu upphæð,“ sagði Souness.

,,Ég held líka að ekkert stórlið í ensku úrvalsdeildinni hafi áhuga á honum, hann er einfaldlega ekki eftirsóttur á markaðnum með þessar launakröfur.“