Græðgi er ástæða þess að Mauricio Pochettino hefur enn ekki verið staðfestur sem landsliðsþjálfari Bandaríkjanna.

Athletic segir frá þessu en Pochettino hefur náð samkomulagi um að tkaa við bandaríska liðinu sem er á mikilli uppleið.

Hingað til hefur hann hins vegar ekki verið staðfestur í starfi og er ástæðan einföld – hann er enn að fá borgað risalaun frá Chelsea.

Um leið og Pochettino skrifar undir nýjan samning þá hættir hann á launum hjá Chelsea og er ljóst að þau laun verða mun lægri.

Pochettino þénaði svakalega upphæð sem þjálfari Chelsea en hann var rekinn frá félaginu eftir síðasta tímabil.

Hvenær Argentínumaðurinn mun formlega skrifa undir samninginn er óljóst en hann reynir að mjólka allan þann pening úr Chelsea sem hann getur.