Breytingar hjá KR halda áfram en Óskar Hrafn Þorvaldsson er tekinn við sem þjálfari liðsins, þrettán dögum eftir að hann gerðist aðstoðarþjálfari. Fótbolti.net segir frá.
KR tilkynnti þann 1. ágúst að Óskar Hrafn væri nýr aðstoðarþjálfari Pálma Rafns Pálmasonar en tæki svo við liðinu eftir tímabilið.
Nú eftir einn leik sem aðstoðarþjálfari hefur KR hins vegar ákveðið að Óskar Hrafn taki strax við liðinu.
Óskar var ráðinn ráðgjafi KR þann 11 júní en breytti um starf þann 3 júlí og varð yfirmaður knattspyrnumála.
Það var svo 1. ágúst sem hann var ráðinn aðstoðarþjálfari en þrettán dögum síðar hefur hann enn á ný breytt um starfstitil.
Pálmi Rafn Pálmason sem var þjálfari KR mun í haust verða framkvæmdarstjóri félagsins. Það verður hans sjötta starf í KR á rúmu ári.
Pálmi var i fyrra íþróttafulltrúi KR, Pálmi tók svo við kvennaliði KR í fyrra en féll með liðið úr 1. deildinni.
Pálmi varð þá yfirþjálfari yngri flokka í KR en var svo ráðinn aðstoðarþjálfari meistaraflokks karla nokkru síðar.
Þegar Gregg Ryder var svo rekinn úr starfi í sumar var Pálmi ráðinn þjálfari og hættir þar núna og mun í haust verða framkvæmdarstjóri.
