Manchester United ætlar ekki að rífa Old Trafford og jafna hann við jörðu þrátt fyrir að nýr völlur verði byggður.

United skoðar það að byggja nýjan völl á 2 milljarða punda og mun sá völlur taka 100 þúsund áhorfendur í sæti.

Plani er að sá völlur rísi fyrir aftan núverandi völl félagsins.

Nú segja enskir miðlar að planið sé að Old Trafford verði áfram á sínum stað en völlurinn verði minnkaður úr 75 þúsund áhorfendum í 30 þúsund áhorfendur.

Með því vill Sir Jim Ratcliffe virða sögu félagsins sem tengist Sir Matt Busby, Sir Alex Ferguson, Jimmy Murphy, Sir Bobby Charlton, George Best og Denis Law og fleiri mönnum.

Völlurinn yrði þá notaður fyrir kvennalið og unglingalið félagsins til að spila sína leiki.

Ekki er búið að meitla í stein en það er á planinu og er þá gert ráð fyrir að hann yrði tilbúinn 2030.