The Athletic sagði frá því í gær að það væri í forgangi hjá Liverpool að finna sér djúpan miðjumann á næstu vikum.
Eftir að hafa skoðað leikmannahóp sinn í rúman mánuð virðist það vera skoðun Arne Slot.
Nú er talað um að miðjumaðurinn sem Liverpool horfir mest til sé Martin Zubimendi hjá Real Sociedad.
Sá hefur mikið verið orðaður við Arsenal en einnig Barcelona og Manchester United.
Zubimendi er djúpur miðjumaður en hann er 25 ára gamall. Richard Hughes yfirmaður knattspyrnumála á gott samband við Inaki Ibanez sem er umboðsmaður Zubimendi.
Það er talið geta hjálpað Liverpool að krækja í kappann sem er líklegur til þess að yfirgefa Sociedad á næstu vikum.
Zubimendi er stundum líkt við Rodri miðjumann Manchester City.
